忙

呢排真係忙到嘔，除左返到公司個一刻至九點前，之後既時間真係充實都爆，日日都有唔同既野湧過黎，都唔知點解會搞成咁，雖然新人來了，但工作速度唔係太快，希望佢地熟左之後會做得快d啦，不過呢排我地中心既booking又真係幾full既，打電話去ocnfirm booking幾日都打唔晒，而且唔係個個會既時覆，好多時要打多幾次先得，都知辛苦佢地架啦，不過呢個情況應該要等到12號先會有改善，到時又多2個新人黎幫手，一d唔駛用腦既工作就可以俾佢地做，free番d人手做其他野，如果唔係都唔知幾時先可以pick up所有要做既野。

尋日一個人病假，工作量即時更多，尤其是星期五要做好星期六同下星期一既野，所以都幾多野做，最終搞到要遲走成個幾鐘先做得晒，平日唔駛自己做既野都要自己做理，可能係之前既人做得實在太好，令我有比較，所以覺得而家呢批人做得唔係咁好，要時刻提醒自己唔可以抱怨，要俾多d耐心，始終人係自己搵返黎既，唔可以怨人，有好多外在因素唔可以忽略，唔好將個責任推係人地身上，應該去諗辦法解決件事，點樣先可以做得快d，自己要記住大家係一個team，唔可以鬼打鬼，一定要互相支持，要多d溝通，如果唔係d人唔知係要咩就好容易有誤會。

工作以外，功課都係忙到死，好似上左賊船咁，有d後悔自己今年揀課既安排，不過都無得揀架啦，頂硬上啦！

講完，舒服晒...