最近發覺自己越來越不理解女友的心思，不知她想什麼，是我多疑了，還是自己的心思放了在第二處...
和女友的思想方法是不同的，行事的方式也不同，以看婚紗為例，我首先會看的是價錢，她看的是款式，對我而言，如果價錢不合，就算有多漂亮也沒有用，試過覺得好也是徒然，只會令自己心思思，既然如此，又何必看呢？
女友的思考模式有點不同，她覺得試試也無所謂，最終不能負責也起碼試過，有點不在乎天長地久，只在乎曾經擁有的心態。
兩人抱著不同的心態去看，自不然會有不同的意見，衝突也少不了，大家對這件事有不同寄望，這也難免成為爭吵的原因，自己失去了同理心的應用，面部表情也太直接，令自己的情緒、感受全都表現出來，這與過往的我不同，一下子的改變令人一時間難以適應，我想我需要調節自己的心態，表達真我也許需要用另外的方法，始終這只是第一步，婚後的生活才是婚姻的重點，現時也解決不了，將來怎麼辦！
我想要的是一個和諧的家...
3 則留言:
思..寧：
睇左你個 blog 咁耐，其實我一直都有啲唔知點講嘅感覺，睇埋呢篇，我真係有啲衝動好想有嘢當面同你講架。
雖然呢度暫時唔係咁多人留言，但係我覺得唔係好方便喺度講太多，我只係想問，究竟你覺得你地之間嘅了解真係有幾深呢? 希望你唔好怪我過敏，如果有咩講錯，請包容。
你有呢個問題都唔可以怪你既，從我的文字當中，你一定會覺得點解會有個咁既人，拍拖咁耐都好似無認識過咁，之後重要去結婚wor，究竟呢pair人係咪玩野定係傻架...
我會咁講，其實我同女友拍拖咁耐，係日常生活中，我地既相處係無問題，好正常既，大家都會知道對方諗咩，但係一去到大時大節，我個腦就好似56k咁，完全function唔到，搞到女友好激氣，所以係呢度，你成日都會見到我寫好多自己既失敗野，其實呢個情況已經比之前好左好多，之前我地既經歷就更加...所以唔使太過擔心。
可能自己的情緒上落太大，於未裏行間表達出來的意思誇大了，令你吃驚了，深感抱歉！
想把email給你，但找不著，有什麼方法可以聯絡你？
張貼留言